Veliaj: Po bëjmë shpërndarje gjeografike të investimeve
Palester e re për Shkollën e Mesme të Bashkuar në Farkë
Nxënësit e shkollës 9-vjeçare dhe të Mesme të Bashkuar në Farkë do të kenë mundësinë te ushtrohen në një palestër të re. Kjo godinë e re është e pajisur me tualete, dhoma zhveshjeje dhe mund të përdoret edhe nga ekipi profesionist i volejbollit të Farkës.
“Është një investim jo vetëm për shkollën, por edhe me standarde për ekipin, i cili e meriton pasi sjell kupa dhe çmime për qytetin”, tha Veliaj.
Veliaj u shpreh se shumë shpejt do të kalojë në Këshillin Bashkiak edhe shpërblimi për klubin e futbollit të Tiranës, pas shpalljes kampion në Kategorinë Superiore.
“Shpërblyem me 150 milionë Lekë ekipin e Tiranës, kalon së shpejti në Këshill Bashkiak. Po fituan edhe me Crvena Zvezdan do miratojmë edhe një bonus tjetër sepse do të ishte historike. Përtej rivaliteteve që kemi, Farka, Tirana, Dinamo, Partizani, nëse një ekip shqiptar ecën lart duhet mbështetur”.
Krahas investimeve në zonë, paralelisht po vijon puna edhe për rindërtimin e shtëpive të dëmtuara nga tërmetit i 26 Nëntorit 2019.
Tv Klan