Vetëdorëzohet në polici vrasësi i mjekut
Pas rreth 2 javësh në arrati është vetëdorëzuar në polici Dritan Ymeri, 29 - vjeçari i cili vrau me armë zjarri fqinjin e tij, Ilir Alija.
Ngjarja e rëndë ndodhi mbrëmjen e 1 Korrikut, pas një konflikti me dy fqinjëve, të cilët jetonin në një godinë në lagjen "Qemal Stafa" të Shkodrës."Pas kontrollove të shumta të kryera nga forcat policore, pamundësisë për t'u larguar falë masave të marra nga Policia e Shkodrës në bashkëpunim me Policinë Kufitare dhe Drejtoritë Vendore të tjera të Policisë, si dhe pas negociatave të pandërprera me familjarët, është vetëdorëzuar në Drejtorinë Vendore të Policisë Shkodër, autor i vrasjes së shtetasit I. A., ngjarje e ndodhur më datë 01.07.2017, shtetasi Dritan Ymeri, 29 - vjeç, lindur dhe banues në lagjen "Perash" të qytetit Shkodër
", thotë policia në një njoftim të sajin.
40 - vjeçari Alija, me profesion mjek u vra me armë zjarri nga Ymeri në sy të bashkëshortes dhe djalit 16-vjeçar. Gjithçka kishte nisur për shkak të një ndërtimi që mjeku po kryente në tarracën e përbashkët të ndërtesës.
Sipas dëshmitarëve, mjeku Alija dhe autori kishin debatuar ashpër më herët. Sherri verbal përfundoi me përdorimin e armës nga 29 - vjeçari, i cili qëlloi me 3 plumba fqinjin e tij duke e lënë të vdekur në vend.
Konfliktet mes viktimës dhe autorit kishin qenë të shpeshta për shkak të godinës 3-katëshe në të cilën jetonin të dy.
Gjykata e Rrethit Gjyqësor Shkodër ndaj 29 - vjeçarit ka caktuar masën e sigurisë "arrest në burg" për veprën penale "Vrasje me dashje". /tvklan.al