Vetëvendosje protestë në Tiranë kundër vizitës së Vuçiç
Aktivistë të Lëvizjes Vetëvendosje po protestojnë në Tiranë kundër vizitës së Presidentit serb Aleksandar Vuçiç. Aktivistët janë mbledhur përpara hotel “Rogner” me pankarta në duar duke protestuar për praninë e Presidentit të Serbisë në vendin tonë.
Me parrullat “Shqipëria nuk harron”, “atdheu nuk privatizohet”, protestuesit thanë se Presidenti Vuçiç nuk duhet të jetë në Tiranë.
Protesta e aktivistëve të Vetëvendosjes përpara hotel “Rogner” ka shtuar edhe praninë e forcave të policisë, por nuk janë shënuar incidente.
Në Tiranë do të mbahet samiti i tretë i Shengenit Ballkanit, ku marrin pjesë Kryeministri Edi Rama, Kryeministri i Maqedonisë së Veriut Zoran Zaev dhe Presidenti i Serbisë Aleksandar Vuçiç. Nga ana tjetër, Kosova e ka refuzuar pjesëmarrjen në këtë samit për shkak të pranisë së Serbisë.
Ka qenë vetë Presidenti Hashim Thaçi që njoftoi refuzimin e ftesës me argumentimin se Beogradi zyrtar nuk e njeh Kosovën dhe po punon kundër interesave të saj. /tvklan.al
