Veza më e madhe që keni parë ndonjëherë
Një pulë e përmasave normale ka bërë një vezë që besohet se është më e madhja në të gjithë Britaninë.
Veza është 4 herë më e madhe se veza e zakonshme, e gjatë 9 centimetra dhe peshon 200 gram. Ajo u zbulua nga pronarja e pulës, Alison Savidge, 51 vjeç, e cila nuk u besoi syve kur e pa.
Mamaja dy fëmijëve, e cila ka tre pula, tha: "Mendova se mos ishte vezë pate ose rose kur e pashë që ishte kaq e madhe".
Savidge, jeton në Peterborough, Cambridgeshire, me burrin e saj Andyn, 48 vjeç dhe dy vajzat e saj Hayley, 24 vjeç dhe Charlotte, 21.
Familja i ka pasur pulat për rreth 5 vite dhe thanë se ata e kishin ushqyer me misër dhe se pula nuk kishte pasur sjellje të pazakontë./tvklan.al