Video: 67 kg drogë dhe 4 në pranga në Tiranë
67 kilogramë kanabis dhe 4 të arrestuar është rezultati i një operacioni policor në Tiranë. Në pranga përfunduan Xhevahir Lusha, 47 vjeç, Ilirjan Selimi, 34 vjeç, Ervin Lika, 30 vjeç dhe Besnik Lika, 26 vjeç, të gjithë banues në Tiranë.
“Këta shtetas në rrugën “Teuta” u kapën në flagrancë nga shërbimet e Policisë, ku në bashkëpunim me njëri tjetrin po transportonin qese me lëndë të dyshuar narkotike të llojit Cannabis Sativa, nga banesa e shtetasve (Ervin Lika dhe Besnik Lika, vëllezër), në bagazhin e një automjeti tip “Golf””,
sqaron policia në një njoftim për mediat.
Autoritetet shpallën gjithashtu në kërkim një 26-vjeçar me iniciale B. H. Përveç 67 kilogramëve të drogës, policia sekuestroi gjithashtu makinën Golf dhe 3 aparate celularë.
/tvklan.al