Video/ Albi Nako sërish bashkë me balerinën
Prej kohësh tashmë në rrjetet sociale qarkullojnë lajme për një lidhje të mundshme mes koreografit Albi Nako dhe balerinës e prezantueses së motit në Tv Klan, Alba Hoxha.
Ata janë fotografuar shpeshherë bashkë si në Shqipëri dhe jashtë saj, duke i shtuar edhe më shumë dyshimet.
Por kamera e “Jo Vetëm Modë” i ka kapur me zë dhe figurë. Vetëm pak ditë më parë Nako dhe Hoxha kanë marrë pjesë në “Class Fashion Show” ku nuk i kanë shpëtuar pyetjeve të gazetarit Eni Shehu rreth lidhjes së tyre. Asnjë prej tyre nuk pranoi lidhjen teksa thanë se janë rastësisht bashkë aty.
Eni Shehu: E keni bërë duet tani nga grupi i madh Albi Nako…
Albi Nako: Jemi thjesht rastësisht këtu me Albën, sepse jemi marrë me provat e Class, kjo është e gjitha.
Eni Shehu: Alba po angazhohet si koreografe?
Albi Nako: Ne jemi partnerë, është asistentja ime. Më ndihmon dhe e ndihmoj.
Eni Shehu: Po me motin e ndihmon?
Albi Nako: Sigurisht, bëhet fjalë për xhestikulimin.
Eni Shehu: Si ndihesh ti kur lakohet emri yt, jo si balerinë profesioniste apo për talentin tënd, por për histori dashurie?
Alba Hoxha: Ne kemi patur shumë workshop-e bashkë. Kemi qenë në Bruksel, në Palasë, Paris, etj. Kjo është arsyeja.
Albi Nako: Workshop në Palasë!!! (qesh)
Alba Hoxha: O Albiiii.
/tvklan.al