Video/ Alketa i prish “peshkimin” Robertit
Batutat dhe humori janë gjithnjë pjesë e spektaklit të kërcimit “Dance With Me”, në Tv Klan. Por mbrëmjen e sotme nuk mungoi as këndimi.
Disa vargje të sjella për publikun nga Alketa Vejsiu, të shkruara nga Aleksandër Lalo, e kthyen Robert Aliajn tek pasioni i tij i vjetër.
Anëtari i jurisë, pas insistimit të Vejsiut këndoi disa vargje për publikun, duke u shkëputur edhe nga “puna” e re.
Thuajse gjatë gjithë mbrëmjes, Aliaj mbajti me vete një grep peshkimi, duke ironizuar se po peshkonte një peshk të madh.
E pasi u përfshi në këngë, Aliaj i tha Vejsiut:
“Më ke prishur peshkimin Alketa…
”
Ironia e Aliajt për peshkimin, vjen pas deklaratave të ambasadorit amerikan Donald Lu, i cili disa ditë më parë kërkoi nga autoritetet shqiptare arrestimin e atyre që ai i cilësoi si “peshq të mëdhenj”.
/tvklan.al