Video/ “Check-in”, nga 12 Maji nis programi më i ri në Tv Klan
Duke filluar nga data 12 Maj, në Televizionin Klan do të startojë transmetimin një cikël i ri dokumentarësh.
“Check-in” është programi që do të përfshijë udhëtime shumë të veçanta në mbarë botën. Këta dokumentarë janë realizuar nga gazetarja Dorjana Daka dhe ekspertja e turizmit, Albana Nanaj dhe transmetimi i tij do të zgjasë rreth 40-45 minuta.
Daka dhe Nanaj ishin sot të ftuara në studion e “Rudina” në Tv Klan, nga ku treguan më tepër detaje rreth realizimit të këtij dokumentari.
Në çdo puntatë të tij do të ketë një itinerar udhëtimi, i cili do të bazohet te vetë udhëtimi, kulinaria, vendet e veçanta historike, jeta e natës dhe takimet me njerëzit e ndryshëm. Ky emision do të transmetohet çdo të shtunë në orën 16:10 dhe puntata e parë do të jetë në datën 12 Maj 2018.
/tvklan.al