Video/ Dadoja kapet duke keqtrajtuar mizorisht fëmijën e porsalindur
Një baba në lindje të Kinës u trondit kur zbuloi se vajza e tij e porsalindur trajtohej brutalisht nga një dado që ai kishte punësuar për t’u kujdesur për foshnjen.
Incidenti u zbulua kur babai i foshnjes Fu, po testonte kamerën e sigurisë nga një dhomë tjetër dhe pa pamjet në kamera. Pamjet tregojnë dadon e cila po ushtron dhunë ndaj vajzës së tij 40 ditëshe dhe e trajton atë në mënyrë barbare duke e rrotulluar.
Sipas Stacionit televiziv Qingdao, Fu pyeti dadon për sjelljen e saj abuzive, por dado u përgjigj duke thënë se ishte një mënyrë normale për t’u kujdesur për një të porsalindur dhe se ajo thjesht po e ndihmonte foshnjen.
Fu kishte parë edhe që dadoja e godiste vajzën e tij edhe në fytyrë.Incidenti ndodhi në shtëpinë e tij në Qingdao, Provinca Shandong.Foshnjat që trajtohen në këtë mënyrë në të ardhmen kanë gjasa të vuajnë nga Sindromi i Shaken Baby, i cili mund të shkaktojë gjakderdhje në trurin e tyre ose në sy./tvklan.al