Video/ Dezertim në kohë paqeje?! Po ç’thonë qytetarët?
Pak ditë më parë disa nga komandot e forcave të armatosura, që ndodheshin për një program trajnimi në Britaninë e Madhe, dezertuan dhe nuk u kthyen në atdhe në përfundim të programit.
Renaldo ka improvizuar situatën, kur komandot morën vendimin “e vështirë” dhe pyet qytetarët sesi iu duk akti i forcave tona të armatosura në kohë paqeje.
Renaldo – E ke bërë ushtrinë?
Qytetari 2 – Po.
Renaldo – Të vinte ndërmend të arratiseshe, të dezertoje? Qytetari 2 –Jo, në atë kohë jo.
Renaldo – Kanë thënë që 3 ushtarë kanë dezertuar në Angli. Po në kohë lufte si mund të jetë gjendja e ushtrisë shqiptare? Qytetari 2 –Për ibret është gjendja, për faqe të zezë!
E kanë bërë shumë mirë, mo burrë!
Renaldo – Po në kohë lufte si e imagjinon? Qytetari 3 –Ça lufte bën shqiptari? Ne jemi për copë buke!
Qytetari 4 – Fatkeqësi e madhe. Ushtarak kam qenë.
Renaldo – Po si veprohet në këto raste, kur bëhen dezertime? Qytetari 4 –Duhen varur në litar! Tradhtarë të betimit! Atdhe ata nuk kanë!
Qytetari 5 – Duhet të dezertojmë të gjithë. Të ikim të gjithë nga Shqipëria! Ata shpëtuan. Ça do bëjmë ne këtu, është qelbur vendi.
Renaldo – Po ideali i atdheut?
Qytetari 5 – Ça atdheu mo, ku kemi atdhe ne? E kanë ngrënë atdheun deputetët tanë, parlamentarët!
Qytetari 6 – Nuk tradhëtuan atdhenë, jo jo! Tradhëtuan partinë, qeverinë, m*** Ramën. Do të ta them kështu? Mbaje! Se i shtrydhin!
Nëpërmjet intervistave që kreu Renaldo kuptuam që qytetarët kryesisht e aprovojnë dezertimin e ushtarëve, pasi dëshirojnë dhe vetë të largohen nga Shqipëria, por kishte dhe nga ata që i quajtën “tradhëtarë të atdheut”./ tvklan.al