Video/ Dhunë në futbollin turk
Dhuna përfshin një ndeshje të kampionatit turk. Takimi mes Trabzonspor dhe Fenerbahçe u ndërpre pak minuta para fundit ku skuadra nga Stambolli po kryesonte me rezultatin 4 – 0 në përballjen e së dielës.
Tifozët vendas sulmuan gjyqtarin e portës të zemëruar nga humbja që po pësonte ekipi i tyre. Ndërhyrja e forcave të sigurisë shmangu përkeqësimin e situatës edhe pse nga tribunat u lëshuan ndenjëse dhe sende të forta.
Një situatë kur nuk mund të vijohej në një takim që pati tension gjatë të gjithë kohës. Armiqësia mes dy tifozerive vijon prej disa vitesh. Në sezonin 2010-2011 kur të dy ekipet rivalizuan për titullin, pikërisht në atë kampionat ku shumë klube u përfshinë në një skandal të madh korrupsioni.
Endrit Sauku TV KLAN