Video/ Drejtori i shkollës filmohet duke rrahur nxënësit
Një mësues ka filmuar drejtorin që rreh nxënësit në një shkollë. Ngjarja ka ndodhur në qytetin Fafamau në Indi.
Videoja e publikuar në internet tregon nxënësit që po mundohen të mbrohen nga drejtori i shkollës që po i godet me shkop. Sipas raportimeve, drejtori po i qëllonte fëmijët me pretekstin se po mundohej të vendoste disiplinë.
Është thënë gjithashtu se nga goditjet e forta, shkopi u thye. Sapo panë videon, prindërit e fëmijëve kanë denoncuar në polici drejtorin e shkollës. Tashmë ata po përballen me presione nga shkolla, policia dhe autoritetet lokale për të tërhequr denoncimet e tyre.
Mësuesi që publikoi videon e dhunimit të nxënësve është shkarkuar nga puna dhe ka bërë kallëzim kundër shkollës dhe policisë.
/tvklan.al