Video Ekskluzive/ Shkatërrohet baza e hashashit në Vlorë, arrestohen 6 persona
Një operacion i gjerë është zhvilluar ditën e djeshme nga Policia në Vlorë, ku janë sekuestruar drogë dhe armë, ndërsa në pranga kanë përfunduar 6 persona.
TV Klan ka siguruar një video nga kamerat e sigurisë së një lokali, gjatë ndërhyrjes së policisë.
Policia midis fshatrave Vezhdanisht dhe Treblovë kanë konstatuar 6 kasolle, brenda të cilave janë gjetur rreth 2000 bimë narkotike në proces tharjeje si dhe rreth 5250 rrënjë bimë narkotike kanabis, të mbjella në lugina dhe zona të thella rreth 2 orë larg qendrave të banuara.
Gjithashtu, Policia ka gjetur dhe sekuestruar në cilësinë e provës materiale: 2 armë zjarri të llojit "automatik", 1 armë zjarri e llojit "pushkë", 2 krehra me 60 fishekë të kalibrit 7.62 mm; veshje dhe sende të tjera të cilat shërbejnë si provë materiale.
Të arrestuarit:Shkëlqim Koçiaj, 24 vjeç, banues në fshatin Dushkarak, Vlorë.
Arjan Hasanaj, 43 vjeç, banues në Vlorë.
Klajdi Imeri, 21 vjeç, banuese në Vlorë.
Taulant Haxhiraj, 35 vjeç, banues në Vlorë.
Albert Aliaj, 53 vjeç, banues në fshatin Drizar, Mallakastër.
Xh.B., 18 vjeç, banues në Vlorë./tvklan.al