Video golat/ Shaqiri spektakolar në fitoren e Stoke City
Xherdan Shaqiri ishte i papërmbajtshëm në fitoren 2 – 0 të Stoke City në fushën e Hull City, e vlefshme për javën e 9 të kampionatit anglez.
Mesfushori nga Gjilani shënoi golat në triumfin e parë jashtë fushe për ekipin e tij në këtë sezon të Premier League.
Shaqiri realizoi nga një gol në secilën pjesë, njëri më i bukur se tjetri. I pari erdhi nga një goditje nga jashtë zonës, që befasoi të gjithë.
I dyti u realizua nga një goditje e lirë. Xherdan Shaqiri ishte në superformë, pasi i krijoi mundësi shënimi edhe Marko Arnautovic, por që nuk i shfrytëzoi.
Kjo fitore e largon Stoke City nga zona e rënies nga kategoria. Ky është sezoni i dytë i Xherdan Shaqirit në Angli./ TV KLAN
https://www.youtube.com//embed/l7XBM8IUlwc