Video/ Granit Xhaka shënon golin e parë me Arsenal
Granit Xhaka shënoi një nga golat në fitoren 4 – 1 të Arsenal me Hull City në sfidën e luajtur të shtunën.
Mesfushori me prejardhje shqiptare goditi topin nga një distancë e largët në çastet e fundit të takimit të Premier League e pamundur për tu arritur nga portieri.
Ky ishte goli i parë për Granit Xhakën qëkur erdhi tek Arsenal këtë verë. 23-vjeçari e nisi për të tretën herë radhazi nga stoli, por në dallim nga ndeshjet e tjera tregoi se mund të japë më shumë për ekipin.
Në përfundim të përballjes Graniti deklaroi për “Sky Sports” se në ekip ka fituar besimin me sukseset e arritura. Lojtari tjetër me origjinë shqiptare, Shkodran Mustafi ishte titullar në këtë përballje. Arsenal nuk e merr titullin kampion në Angli prej sezonit 2003-2004. /TV KLAN