Video/ Kapet arsenal armësh dhe drogë
4 armë zjarri dhe një sasie droge janë kapur nga autoritetet në fshatin Zhapokikë të Memaliajt.
Policia kishte marrë informacione në rrugë operative se dy persona, gjeneralitetet e të cilëve nuk bëhen me dije për arsye hetimi, po transportonin në një përrua, armë e drogë me qëllim fshehjen e tyre.
Kjo bëri që autoritetet të ushtronin kontroll të imtësishëm. Kështu në vendin e quajtur “Përroi i Madh”, në një zonë me shkurre u gjetën të fshehura 4 armë zjarri, përkatësish:
tre armë zjarri model 54, një armë zjarri automatike model 56 si dhe dy krehëra me fishekë.
Gjithashtu, pranë tyre është gjetur dhe një qese e zezë, brenda të cilës kishte 5 kilogramë kanabis. Nga shërbimet e policisë po punohet për zbardhjen e plotë të kësaj veprimtarie kriminale si dhe për kapjen e autorëve.
/tvklan.al