Video/ Këngëtari po fliste në telefon, kur i ndodh diçka e tmerrshme
Në videon më lart tregohet momenti kur këngëtari Cee Lo Green pëson një incident të pazakontë, teksa po flet në telefon. 42 – vjeçari, ndodhej në studion e tij të regjistrimit, kur nis të bisedojë në telefon. Pak sekonda më vonë aparati i tij celular nis të nxjerrë tym dhe më pas i shpërthen në fytyrë, duke e hedhur këngëtarin përtokë.
Pamjet e regjistruara nga kamera e sigurisë u publikuan pak ditë më parë në internet, duke shokuar shikuesit.
Kjo bëri që pak më vonë, Ceelo të dilte dhe të kërkonte falje publikisht, pasi në fakt bëhej fjalë për një reklamë për një projekt të ardhshëm.
Arsyeja përse videoja pati kaq impakt vjen kryesisht pasi kohët e fundit ka patur raportime të shumta të telefonave që shpërthejnë, përfshirë Apple dhe Samsung. Ky i fundit u detyrua të tërhiqte nga tregu të gjithë Galaxy Note 7, pasi shumë prej tyre shpërthyen në flakë për shkak të një defekti me baterinë./tvklan.al