Video/ Kur dasma kthehet në tragjedi, rrëzohet helikopteri me nusen në kabinë
Donte t’i shkonte burrit me helikopter në dasmë, por ndodh tragjedia. Ky është momenti kur helikopteri me nusen në kabinë rrëzohet.
Rosemere do Nascimento Silva vdiq disa minuta para së mbërrinte në altar, pasi helikopteri ku ajo kishte hipur rrëzohet. Nusja kishte menduar që t’i bënte një surprizë bashkëshortit të saj, duke shkuar në dasmë me një helikopter.
Ajo ishte së bashku me vëllain e saj dhe fotografen, e cila ishte 6 muajsh shtatzënë.
32-vjeçarja kishte planifikuar të surprizonte të fejuari Udirley Damasceno, i cili ishte duke pritur në altar për të kurorëzuar dashurinë e tyre.
Ngjarja ka ndodhur në në një zonë rurale në periferi të Sao Paulos në Brazil.
Damasceno dhe 300 mysafirët e dasmës nuk kishin idenë Rosemere do Nascimento Silva kishte planifikuar hyrje spektakolare. Policët dhe hetuesit po përpiqen të vërtetojnë se cila ishte arsyeja që helikopteri u rrëzua dhe shkaktoi tragjedinë./tvklan.al