Video/ Momenti emocionues kur një qenusheje i shpëtohet jeta
Ky është momenti më i tmerrshëm për çdo person që mban kafshë shtëpiake. Një qenushe e vogël në Brazil me emrin Tina ka rrezikuar jetën e saj duke u varur nga një ballkon i katit të tretë, ndërsa katër persona qëndrojnë poshtë duke mbajtur një mbulesë në përpjekje për ta shpëtuar atë. Qeni i rracës Lhasa Apso doli në ballkon pasi ajo u frikësua nga fishekzjarret e Vitit të Ri.
Ajo me ankth ngjit kthetrat e saj në kangjella para se të shkëputet duke rënë drejt tokës. Banorët e banesës pranë, shkojnë me shpejtësi duke mbajtur një mbulesë të hapur, në mënyrë që qenushja Tina të mos binte në tokë. Brohorimat shpërthejnë ndërsa krijesa e lezetshme kapet e padëmtuar. Pronari mirënjohës Jean Siqueira, i cili nuk ishte në shtëpi të dielën kur ndodhi incidenti, tha se e përkëdhelura e tij ishte frikësuar nga fishekzjarret dhe u përpoq të fshihej duke u futur në ballkon./tvklan.al