Video/ Partizani fiton me përmbysje derbin
Partizani fitoi derbin e kryeqytetit, duke zgjatur pathyeshmërinë akoma më shumë përballë Tiranës dhe qëndron në garë për titullin. Goli i Xhevahir Sukajt në minutat e fundit vendosi suksesin 2 – 1 me përmbysje për të kuqtë që ngjiten në krye të renditjes në pritje të rivalëve.
Një ndeshje e luftuar gjatë të gjithë kohës, ku Tirana shënoi e para pas 14 minutave lojë. Ede dërgoi në portë pasimin e Merville.
Përpjekjet e Partizanit sollën rezultat në fundin e pjesës së parë. Batha realizoi me 11-metërsh me Likën që kuptoi krahun e goditjes, por pa e ndalur atë.
Në pjesën e dytë të dy skuadrat e kërkuan golin e fitores, me Partizanin që ushtroi më shumë presion me kalimin e minutave. Derbi i vendos nga Sukaj, i cili hyri si zëvendësues gjatë pjesës së dytë. Shkodrani shfrytëzoi krosimin e Fejzullahit duke i dhënë fitoren Partizanit. Festimi i golit solli edhe tension pasi Bakaj dhe Ibrahimi u larguan nga stoli me të kuq.
Tirana vijon të vuajë pasi nuk triumfon në derbi prej 13 takimesh. Rezultatet e bardhebluve e kanë zbritur në renditje dhe duhen pikë për të qenë të sigurtë që ekipi të mos rrezikojë rënien nga kategoria.
Tv Klan