Video/ Përmbytjet “përpijnë” gruan bashkë me makinën dhe qenin e saj
Një ngjarje dramatike ka ndodhur në Luiziana të SHBA-së. Një grua e cila udhëtonte sëbashku me qenin, për pak sa nuk është mbytur, pasi makina e saj është fundosur nga përmbytjet.
Falë ndërhyrjes së ekipit të emergjencës, pas shumë vështirësive ajo është shpëtuar sëbashku me qenin. Pamjet e transmetuara nga mediat vendase tregojnë momentin kur makina e saj zhytet në ujë.
Gjatë operacionit të shpëtimit dëgjohet zëri i gruas e cila thërret: “O zot, unë jam duke u mbytur.” Ajo u nxor nga automjeti përpara se të fundosej plotësisht.
Gjithashtu gruaja gjatë marrjes së ndihmës ka dashur që të shpëtojë fillimisht qenin e saj, më pas veten, por fatmirësisht u bë e mundur nxjerrja dhe shpëtimi i të dyve./tvklan.al