Video/ Plagosi familjarët e ish-gruas, si u arrestua 37-vjeçari
Policia e Tiranës ka publikuar videon e arrestimit të 37-vjeçarit, Marjan Levanti. Mbrëmjen e djeshme rreth orës 20:30 ai ka plagosur familjarët e ish-gruas së tij, në rrugën “Teodor Keko”, tek një banesë private.
37-vjeçari kishte shkuar në banesën e ish-gruas dhe pas një konflikti me fjalë, duke i kërkuar llogari për ndarjen, ai plagosi me thikë ish-vjehrrin Ferit Kocaqi, ish-vjehrrën Qanie Kocaqi dhe ish-kunatin A.Kocaqi.
Marjan Levanti, një emër i njohur për policinë u arrestua në një pallat në ndërtim e sipër në zonë, ndërsa tentoi të hidhej nga lartësia.
Të plagosur
1. Ferit Kocaqi 72 vjeç
2. Qanie Kocaqi 69 vjeç
3. A. Kocaqi 47 vjeç
Autor:
Marjan Levanti-37 vjeç.
Të tre të plagosurit janë jashtë rrezikut për jetën në spital. Marjan Levanti është vëllai i ish boksierit, Adrian Levanti. Ky i fundit është ekzekutuar me 7 plumba pistolete në 26 prill të 2013. Atentati ndodhi në katin e shtatë të pallatit ku banonte, në zonën e Unazës së Re në Tiranë.
Më herët (18 mars 2013) Marjan Levanti kishte plagosur me thikë shtetasin Zef.Gj, komshi, pas një konflikti për zhurmët. Vëllai i Zef. GJ u arrestua si i dyshuar për vrasjen Adrian Levanti, vëllai i Marjan Levanti./ tvklan.al