Video/ Profecia, Simpsons parashikuan Trump-in president
Donald Tramp President i Shteteve të Bashkuara të Amerikës? Kjo nuk është një surprizë, të paktën për serialin e famshëm amerikan “The Simpsons”, që e kishte parashikuar presidencën e miliarderit amerikan që në vitin 2000.
Në episodin e quajtur “Barti në të ardhmen”, fëmija e madh i familjes Simpson arrin të shohë jetën e tij si i rritur. Ai shikon motrën e tij, Lisa, e cila emërohet presidentja e parë grua e SHBA-ve, një presidencë e dështuar kjo, e trashëguar pikërisht nga Donald Tramp.
Por profecia e “The Simpsons” shkon përtej imagjinares, pasi ngjashmëritë me realitetin pas 16 vitesh janë të pabesueshme.
Ky nuk është parashikimi i parë që producentët qëllojnë në shenjë. Më herët ata kanë parashikuar Orën inteligjente, Ipod-in, lojën e famshme Farmville apo edhe një pjesë të videoklipit të Miley Cyrus./ TV KLAN