Video/ Ronaldo çfarë bën kështu?
Ky Europian është kthyer në një makth për Cristiano Ronaldo. Portugalia e tij në dy ndeshjet e para ka marrë vetëm 2 pikë dhe ai nuk ka shënuar asnjë gol, madje me Austrinë gaboi në goditjen e penalltisë.
Ai është në presion nga tifozeria e mediat dhe këtë e tregoi duke reaguar keq pas pyetjes së një gazetari portugez se a ishte gati për ndeshjen me Hugarinë.
Mikrofoni i gazetarit përfundoi në ujë dhe gjesti i Cristiano Ronaldo, tek i cili varen shpresat e portugezëve, tregon tensionin e tij në prag të sfidës me Hungarinë.
Në rast dështimi të Portugalisë ai do të mbajë barrën më të rëndë duke qenë edhe kapiten i ekipit. /TV KLAN