Video/ Shkatërrohet banda e drogës Shqipëri- Itali, pranga 42 personave

08:51 14/03/2018

Dy organizata të mëdha të trafikut të drogës nga Shqipëria u shkatërruan nga policia italiane. Mes 42 të arrestuarve, 19 janë shqiptarë, 22 italianë e 1 rumun në operacionin e gjerë të titulluar në shqip “Shefi”.Mediat italiane kanë zbuluar identitetet e të arrestuarve. Hetuesit thanë grupet hetoheshin prej 2016-ës.

Atyre i atribuohet trafikimi dhe shpërndarja e të paktën 2.3 tonë drogë të llojeve të ndryshme, marijuanë, kokainë e heroinë. Përfitimet përllogariten në mbi 15 milionë euro për një sasi prej 7 milionë dozash të hedhura në treg.

Bazën organizatat e kishin në Bari, aty ku magazinohej droga e ardhur me skaf nga Shqipëria.

Lënda narkotike zbarkonte në brigjet pulieze, për tu shpërndarë më pas në Kalabri, Siçili, Kampania, Abruzo e zona të tjera të jugut të Italisë. Pikërisht në këto zona u shtri vala e arrestimeve të së mërkurës. Mediat italiane shkruajnë se në hetime dhe në operacion ndihmuan edhe autoritetet shqiptare.

Shqiptarët e arrestuar në Itali:

DRITAN NACI

MARIGLEN SHUSHA

VULLNET DACI

GEZIM BIRCAJ

MALTON LLESHI

FIQIRET SEFERI

ERNEST PEZA

LEONIDHA SEJDIAJ

ELTON ISMAILI

SAMUEL MUÇA

FERHAT AJDINI