Video/ Si u arratis ushtari korean nën breshërinë e plumbave
Komanda e Kombeve të Bashkuar që ndodhet në kufirin që ndan Korenë e Jugut me atë të Veriut, ka publikuar pamjet dramatike të arratisjes së ushtarit koreano-verior.
Në pamje shfaqet:
- Ushtari i arratisur, identiteti i të cilit nuk është publikuar akoma, që po ngiste një makine me shpejtësi drejt kufirit.
- Më pas makina përplaset dhe një nga rrotat del nga vendi. Ai vrapon drejt zonës së Koresë së Jugut, ndërsa ushtarët koreano-veriorë e ndjekin dhe e qëllojnë.
- Një ushtar e ndjek nga mbrapa duke e qëlluar. Kur kupton që kishte kaluar kufirin kthehet sërish prapa.
- I arratisuri rrëzohet i plagosur nën një mur të vogël, mbi një grumbull gjethesh ngjitur me një ndërtesë të Koresë së Jugut.
- Në videon me infra të kuqe shfaqen ushtarët e Koresë së Jugut që zvarriten drejt të arratisurit për ta shpëtuar.
Më 13 Nëntor, një ushtar i Koresë së Veriut shkoi me një makinë drejt Zonës së Sigurisë së Përbashkët dhe më pas u arratis për në krahun tjetër, pavarësisht breshërisë së plumbave prapa krahëve të tij.
Gjendja e tij shëndetësore u përmirësua pavarësisht disa plagëve të marra, por mjekët kanë deklaruar se ai akoma nuk është stabilizuar plotësisht sepse plagët mund t’i infektohen.
/tvklan.al