Video/ Të pirë në timon dhe gara, 5 të arrestuar e dhjetëra patenta të pezulluara
Si çdo fundjavë policia rrugore ka bërë kontrolle të shumta për drejtuesit që i japin makinës në gjendje të dehur. Kështu janë arrestuar 5 drejtues mjetesh, pasi ishin të dehur në timon. Gjatë fundjavës janë pezulluar 19 leje drejtimi, po për alkool.
Ndërkohë 3 leje drejtimi janë pezulluar për lëvizje në krah të kundërt, 4 drejtues mjetesh kanë marrë masë administrative për dalje para Komisionit, për kalim të afatit të vlefshmërisë së lejes së drejtimit.
7 raste janë ndëshkuar për gara me shpejtësi dhe janë dërguar po për dalje para Komisionit. Gjithashtu 22 mjete janë bllokuar për mungesën e likuidimit të më shumë se 5 gjobave. /tvklan.al