Video/ Tentoi të kalonte 6.5 kg marijuanë drejt Italisë, pranga drejtuesit të autobusit
Shërbimet e Drejtorisë Vendore te Kufirit dhe Migracionit në bashkëpunim me Efektivet e Seksionit për Hetimin e Narkotikëve në Drejtorinë Vendore të Policisë Durrës, mbrëmjen e së shtunës, në bazë të informacioneve të marra kanë sekuestruar 6.5 kg marijuanë si dhe kanë vënë në pranga Fatbardh Kokomeci 54 vjeç, banues në Tiranë.
Njoftimi i policisë:
Më datë 08.07.2017, gjatë kontrollit të ushtruar në Pikën e Kalimit Kufitar Port Durrës, në mjetin autobuz, me drejtues shtetasin F.Kokomeci, pas nje analize risku të hollësishme dhe verifikimeve të tjera speciale nga Specialistët e vijës së dytë të Kontrollit në pjesën e pasme, pas sedileve të fundit u gjet lëndë narkotike Marijuanë.
Në pjesën e pasme të autobuzit, pas sedileve të fundit u gjetën dhe sekuestruan:
5 pako me peshë rreth 6.5 kg lëndë narkotike e dyshuar e llojit Marijuanë.
Specialistët dhe grupi hetimor vijojnë punën për kapjen e personave të tjerë të implikuar në këtë rrjet kriminal./tvklan.al