Video/Drogë në formë çokollate, shkatërrohet rrjeti i shpërndarjes në Tiranë
Pesë persona janë arrestuar nga policia e kryeqytetit gjatë operacionit të koduar “MIKS”. Në pranga kanë përfunduar: Enea Hoxha, 22 vjeç; Eriseld Islami, 31 vjeç; Ilir Shehaj, 47 vjeç; Blandi Dorzi, 26 vjeç dhe Arben Hyka, 39 vjeç.
Sipas policisë ata shisnin drogë, të llojeve të ndryshme në kryeqytet. Lëndën narkotike e paketonin në formë çokollate.
22-vjeçari Enea Hoxha shiste kokainë në zonën e Brrylit. Eriseld Islami dhe Ilir Shehaj shisnin kanabis, çokollatë dhe janë arrestuar në rrugën “Qemal Stafa”. Arben Hyka dhe Blandi Dorzi janë arrestuar në automjetin “Mersedes Benz”, me të cilin lëviznin dhe iu janë sekuestruar lëndë narkotike e llojit heroinë.
Në kuadër të këtij operacioni, janë sekuestruar në cilësinë e provës materiale: Mbi 1 kg kanabis në formë çokollate, 101 gr kokainë, 0.4 gr heroinë, 6 aparate celularë të markave të ndryshme, 2 automjete.
/tvklan.al