Video/Gjarpri i pangopur, gllabëron dhinë
Një gjarpër, që mund të konsiderohet fare mirë si i pangopur, tentoi të gëlltiste një dhi të madhe, që i ngeci në fyt.
Siç raporton britanikja "Mirror", “incidenti” ndodhi në fshatin Mallik Sobha në Indi. Banorët u shtangën kur panë një piton rreth 6 metra të gjatë që kishte mbështjellë trupin e dhisë, në një pyll aty pranë dhe po përpiqej që ta gëlltiste.
10 burra u angazhuan për t’ia hequr zvarranikut dhinë nga goja, por fatkeqësisht, kur ia dolën, kafsha kishte ngordhur.
Sipas banorëve, kjo nuk është hera e parë që pitonët i kanë ngrënë bagëtitë. Vitin e shkuar, falë këtij gjarpri, ata humbën lopë, dele e qingja./tvklan.al