Video/Kur je me vonesë për të kapur avionin
Çfarë mund të bësh kur avioni me të cilin kishe planifikuar për të udhëtuar po bëhet gati për t’u nisur, sepse je me vonesë?
Sipas këtij burri hidhesh bashkë me çanta nga ura që lidh terminalin me avionin, zbret në pistë dhe vrapon drejt mjetit që po bëhet gati për t’u nisur. Ngjarja, që ngjan si një skenë filmi, ndodhi në aeroportin e Madridit. Burri, identiteti i të cilit nuk bëhet i ditur dhe që dyshohet se është nga Bolivia, kishte boarding pass (fletëhyrje) dhe kishte kaluar edhe sigurinë, por nuk kapi dot avionin që ishte nisur për në Gran Canaria.
Në këtë video të postuar në Facebook, ai shihet teksa hidhet nga 3.5 metra lartësi dhe vrapon drejt avionit.
Veprimi i tij sigurisht nuk kaloi pa pasoja. Ai u arrestua sapo zbriti në destinacion dhe sipas ligjeve të aeroporteve mbi sigurinë, mund të gjobitet deri në 45 mijë euro./tvklan.al