Video/Momenti i frikshëm kur fëmija bie në kafazin e gorillës
Ky është momenti i tmerrshëm kur një fëmijë 4-vjeçar, bie nga 3 metra lartësi në kafazin e një gorille në kopshtin zoologjik Cincinnati, në Ohio.
Gorilla 17-vjeç me emrin Harambe, e kishte tërhequr të voglin në rrethim për disa minuta kur punonjësit e këtij kopshti kanë ndërhyrë, duke e qëlluar për t’i shpëtuar jetën fëmijës.
Drejtori i kopshtit zoologjik Thane Maynard, ka shpjeguar se i vogli ishte në rrezik për jetën, prandaj është ndërmarrë kjo masë ekstreme për kafshën.
“Një qetësues nuk do ta kishte neutralizuar kafshën menjëherë, dhe kjo do të kishte sjellë shumë rrezik për fëmijë. Kjo është një ditë shumë e trishtë për kopshtin tonë zoologjik”, ka thënë ai, duke nënvizuar se është hera e parë që një kafshë qëllohet për një urgjencë të kësaj nature.
Ndërsa mësohet se vogëlushi është shtruar në spital, me lëndime të vogla./tvklan.al