Video/Supermarketi jep mallin falas, boshatiset në pak minuta
Vetëm 4 minuta u deshën për të “rrëmbyer” të gjithë mallin stok që një supermaket në Lincolnshire të Britanisë vendosi ta japë falas.
Me qindra marshuan drejt Netto, pas një postimi që supermaketi kishte bërë në Facebook, duke i ofruar klientëve një mundësi të rrallë për të marë mallra pa para. Siç shkruan britanikja “Mirror”, dyqani kishte planifikuar që të qëndronte hapur deri pasdite, por nuk qe e nevojshme, pasi raftet u boshatisën në fare pak kohë. Shumë prej qendrave të bamirësisë së zonës u shprehën të keqardhur që nuk mundën të merrnin mjaftueshëm ushqime për njerëzit në nevojë.
Supermarketi në fjalë, ishte një prej 16 dyqaneve Netto që u mbyllën në Britani për shkak të humbjeve si pasojë e konkurencës.
Netto vendosi që para mbylljes ta jepte mallin falas në mënyrë që të mos shkonte dëm./tvklan.al