Vijnë në jetë foshnjat e para të vitit 2012 (01 Janar 2012)
Kanë lindur dhe foshnjat e para të vitit 2012 në kryeqytet. Roan Seiti është vogëlushi i parë i lindur këtë vit vetëm dy minuta pas mesnate në maternitetin “Koço Gliozheni”. Çifti Seiti shprehet mjaft i entuziasmuar për ardhjen në jetë të djalit të tyre, pikërisht në një natë feste siç është ajo e ndërrimit të viteve. Ndërkohë vogëlushi Aleks ka ardhur në jetë vetëm 15 minuta pas mesnate në maternitetin “Mbretëresha Geraldinë”. Në maternitetin “Mbretëresha Geraldinë” vetëm gjatë ditës së fundit të vitit 2011 ka patur 10 lindje, ndërkohë që stafi i spitalit ka qëndruar në gatitshmëri deri në orët e para të mëngjesit të së dielës por situata ka qënë e qetë dhe nën kontroll. /tvklan.al