• Shpërndaje

Bashkëpunim edhe me Agjencinë Rajonale të Mjedisit

Agjencia Rajonale e Mjedisit në Fier do të vijojë tashmë punën në mjedise të rikonstruktuara. Godina ka pësuar një ndryshim të ndjeshëm pas përfundimit të punimeve të cilat u realizuan në vetëm 2 muaj. Investimi u bë i mundur nga kompania Bankers Petroleum Albania, në një vlerë totale prej 700 mijë lekësh.

“Bankers Petroleum Albania ka mbështetur dhe realizuar projekte të ndryshme me Agjencinë Rajonale të Mjedisit në qytetin e Fierit”.

Prej vitesh tashmë Bankers është kthyer në një nga partnerët më të rëndësishëm për institucionet lokale në qarkun e Fierit. Investimet e kompanisë janë shtrirë në rikonstruksione shkollash, spitale, qendra shëndetësore, rrugë dhe parqe. Drejtuesit e Bankers konfirmojnë se mbështetja ndaj projekteve në këto komunitete do të vijojë edhe pse vitin e fundit industria e naftës është goditur nga rënia e çmimeve në tregjet ndërkombëtare.

Tv Klan