• Shpërndaje

Në malin e Dajtit është zbuluar një varr masiv me të vrarë gjatë viteve të regjimit komunist dhe që mendohet ti përkasë viteve 70-të.

Dalja në dritë e këtyre eshtrave u bë falë iniciativës së një qytetari nga Tirana që po kërkonte prej kohësh eshtrat e babait të tij. Në këtë vend ka qenë një qendër ushtarake që ka funksionuar deri në vitet ‘90-të.

Sipas Xhaferr Bregasit rojës së këtyre godinave, disa muaj më parë janë kryer gërmime ku kanë marrë pjesë edhe ish punonjës së sigurimit të shtetit. Zona e Dajtit njihet si një nga zonat ku janë kryer edhe shumë ekzekutime të tjera gjatë regjimit komunist./tvklan.al