• Shpërndaje

Sot ka nisur transmetimin në kanalin zyrtar në Youtube të RTV Klan dhe në televizionin Klan Plus, “Daily Love Story”, një program ku publiku do të njihet me të pathënat, prapaskenat dhe komentet e spektaklit Love Story, i cili startoi një natë më parë, duke thyer rekord shikueshmërie tek audienca.

Gazetarja e “DLS”, Xhesi Muça, ka intervistuar vajzat para se të ngjiteshin në skenë, për të zbuluar emocionet dhe komentet e tyre për konkurrentet e tjera, si edhe për Saimirin.

Vivien, një nga vajzat në garë për të fituar zemrën e Saimirit, është shprehur se të rinjtë janë ata që duhet të ndryshojnë mentalitetin dhe se do të ndihej e lumtur nëse do ta bënte ajo hapin e parë.

“Jam shumë e emocionuar, por jam shumë e lumtur. Unë mendoj që ne jemi ata të rinjtë që duhet ta ndryshojmë mentalitetin. Po nuk filloi nga ne nuk do të fillojë asnjëherë, kështu që nëse jam unë ajo që do ta bëj atë nisjen e parë, jam shumë e lumtur”, tha Vivien.

Ndërkohë, e pyetur nëse mendon se do të eleminohet, bukuroshja është përgjigjur shkurt duke thënë “jo”.

Daily Love Story transmetohet nga e marta në të premte në orën 18:20 livestream në Youtube në kanalin RTV Klan dhe në ekranin e televizionit Klan Plus! /tvklan.al