Vlorë/Asgjësohen 7150 bimë kanabis, arrestohet dy kultivuesit
Policia e Vlorës, ka asgjësuar 7150 bimë narkotike të mbjella 5 parcela dhe ka arrestuar 2 persona të dyshuar si kultivuesit e kësaj sasie droge.
Bimët narkotike ishin të mbjella në të dy anët e përroit pranë fshatit Drithash – Komuna Shushicë, ku lartësia e tyre varionte nga 10 cm deri në 60 cm.
Në pranga kanë rënë Caush Hoxha, 55 vjeç, banues në fshatin Llakatund – Vlorë dhe Sulo Haxhiraj, 44 vjeç, banues në fshatin Kërkovë – Vlorë. Arrestimi i tyre u bë në afërsi të territorit ku u gjetën të kultivuara bimët narkotike
Gjithashtu, gjatë kontrollit të ushtruar kundër kultivimit të bimëve narkotike, në fshatin Radhimë, pranë vendit të quajtur “Përroi i Katerisë” janë gjetur të mbjella edhe 150 rrënjë bimë narkotike të tjera, të cilat u asgjësuan me djegie.
Punonohet për identifikimin dhe kapjen e kultivuesve të tjerë./tvklan.al