Vogëlushja 5-vjeçare që po kalon në menopauzë
Një vajzë e vogël nga Australia, së shpejti do të shfaqë shenja të menopauzës pasi ajo filloi ciklin menstrual në moshën katër vjeçare si pasojë e sëmundjes Addison.
Emily Dover 5 vjeç, ka qime pubike, gjinjë të zhvilluar dhe akne në fytyrë, tha për Mirror Online nëna e Emily. Në moshën 5 vjeçare, vogëlushja Dover vuan edhe nga mbipesha, gjë që e ka bërë të tallet nga shokët e klasës.“Ajo nuk pati kurrë shansin të ndihet një vajzë e vogël”,
tha nëna e saj Tam, 41 vjeç. E vogla austriliane është gjithashtu shumë e ndjeshme për shkak të gjendjes së saj dhe diferencat me shokët e klasës të cilët nuk mund ta kuptojnë sëmundjen e Dover.
Megjithëse ajo ka lindur e shëndetshme, filloi të rritej me shpejtësi brenda një jave nga dita kur kishte lindur ndërkohë që kishte probleme me gjumin.
Në moshën katër muajshe, ajo ishte rritur në madhësinë e një fëmije 1 vjeç dhe në moshën dy vjeçare gjinjtë i ishin zhvilluar.
Pas testeve dhe analizave të shumta që vogëlushes iu bënë ndër vite, Dover u diagnostikua me sëmundjen Addison në moshën 4-vjeçare.
Gjendja e Dover karakterizohet nga një çrregullim i rrallë i gjëndrave të veshkave, duke bërë që asaj t’i mungojnë dy hormone kryesore: kortizol dhe aldosterone.
Kjo sëmundje megjithëse zakonisht prek vetëm të rriturit mbi moshën 30 vjeçare, në disa raste kur prek edhe fëmijët, mund të shkaktojë pubertet të hershëm dhe trajtimi i domosdoshëm i hormoneve do të stimulojë simptomat e menopauzës.
Dover është gjithashtu në spektrin e autizmit dhe vuan nga çrregullime të gjendjes emocionale, një simptomë e zakonshme e të sëmurëve me Addison.
Sëmundja e Addisonit është një çrregullim që ndodh kur trupi i njeriut prodhon sasi të pamjaftueshme të hormoneve të caktuara të prodhuara nga gjëndrat adrenale. Në sëmundjen e Addisonit, gjëndrat e veshkave prodhojnë shumë pak kortizol dhe shpesh nivele të pamjaftueshme të aldosteronit./tvklan.al