Volejboll për meshkuj, Studenti – Teuta – (23 Maj 2000)
Arkiva Lajme – Tv Klan 2000
Pas dy orë lojë në Pallatin e Sportit “Asllan Rusi”, ekipi i Teutës së Durrësit ka fituar ndaj Studentit, në takimin e parë final për titullin kampion në Volejboll për meshkuj. Sidoqoftë ka qenë një takim pretendentësh ku Teuta ka qenë më e sigurt duke gabuar dhe më pak.
Teuta e ka nisur mirë lojën duke fituar dy setet e para 25-21, 25-22, duke e çoroditur disa herë kundërshtarin. Studenti ka fituar setin e tretë 25-21. Seti i katërt është edhe më i ekulibruar dhe fitohet me meritë nga Teuta 26-24 dhe krejt takimi 3 me 1./tvklan.al