Vrasja në Fier, atentat 22-vjeçarit – (31 Janar 2001)
Lajme Arkiva – TV Klan 2001
5 të shtëna të dala nga një pistoletë i kanë marrë jetën një 22-vjeçari në qendër të qytetit të Fierit. Ngjarja ka ndodhur mbrëmë rreth orës 19, kur Alket Liviani, sapo ka dalë nga një lokal lojërash fati. Në momentin që ai ka hipur në makinë, persona ende të paidentifikuar nga policia, i kanë bërë atentatin. Njëri prej plumbave ka qenë fatal për jetën e Livianit.
Menjëherë policia ka mbërritur në vendin e ngjarjes, ndërsa autorët e krimit janë larguar me shpejtësi. Policia është vënë në kërkim të autorëve dhe shkaqeve të vrasjes së 22-vjeçarit. Kjo është vrasja e parë për këtë vit që ndodh në qytetin e Fierit./tvklan.al