Vrasjet dhe plagosjet në rrethe – (21 Gusht 1999)
Arkiva Lajme – Tv Klan 1999
Në Shkodër plumbat e armëve nuk kursejnë edhe femrat. Dje në orë dhe vende të ndryshme në qytetin verior janë plagosur tre gra. Dalina Luci, Sabahet Alla, Age Nishiqi, aktualisht ndodhen në spitalin e qytetit të plagosura nga plumbat e armëve. I plagosur me armë zjarri në spital është i shtruar dhe shtetasi Gjon Kola. Autorët e këtyre plagosjeve nuk dihen ende. Po në Shkodër mbrëm vonë është mbytur në lumin Bunë 30-vjeçarja Mimoza Mehja, kufoma e së cilës nuk është gjetur ende.
Të plagosur me armë zjarri dhe në Fier. Dy të rinj të cilët më pas u deklaruan të fejuar Julian Çalamani dhe Sofia Gjikopulli janë plagosur me armë zjarri nga persona akoma të panjohur. Ata ndodhen të shtruar në spital pa rrezik për jetën. Po në Fier në vendin e quajtur kanali i Jogodinës është mbytur aksidentalisht 13-vjeçari Andi Islami.
Në Gjirokastër policia dje arrestoi katër shtetas 20-vjeçar. Katër të rinjtë akuzohen nga policia e Gjirokastrës si autor të vjedhjeve në bashkëpunim të mëse 30 shtëpive në qytetin e Gjirokastrës. Në shtëpitë e të ndaluarve policia gjirokastritë ka gjeur katër automatik, një çifte, fishekë dhe granata.
Edhe në Berat policia arreston një shtetas i akuzuar dhe dënuar nga Gjykata e Beratit me 3 vjet burg për vjedhje dhe fallsifikim të dokumentave. Pas shumë kohësh në kërkim 45-vjeçari Namik Bisha është detyruar të nis vuajtjen e dënmit në burg./tvklan.al
Gazetar – Eduart Frangaj