Vritet anëtari i PD në Vlorë – (15 Maj 2000)
Arkiva Lajme – Tv Klan 2000
Ky është Agim Hynsembelliu anëtar i Partisë Demokratike të Vlorës, i cili disa orë pas mitingut të djeshëm është gjendur i vrarë në afërsi të Llogarasë. Partia Demokratike e ka cilësuar sot vrasjen tërësisht politike duke akuzuar dirrekt njerëzit e pushtetit.
Sipas versionit të saj autorët e krimit të cilët kanë rrëmbyer Hysenbelliun udhëtonin në një Toyota jeshile pa targa. Drejtori i policisë së Vlorës Besnik Bregu, ka konfirmuar se trupi i tij është gjendur rreth orës 6 pasditë dhe sipas ekspertëve nuk kishte kaluar shumë kohë nga vrasja e tij.
Përsa i përket akuzave të PD për rrethanat e vrasjes Bregu tha se po të dinë diçka le të na ndihmojnë me dëshmitë e tyre. PD ka deklaruar sot se dje gjatë rrugës për në Vlorë është ushtruar dhunë dhe terror i paparë ndaj demokratëve. Sipas tyre në 35 postoblloqet e ngritura janë ndaluar me qindra demokratë që ndalonin drejt Vlorës, madje dhe është qëlluar me armë.
Ndërkohë drejtuesit e lartë të policisë kanë deklaruar për Tv Klan se çdo gjë ka kaluar pa incidente dhe policia nuk ka ushtruar dhunë ndaj askujt./tvklan.al
Gazetare – Ornela Bego