Vritet shitësi i misrave – (3 Gusht 1999)
Arkiva Lajme – Tv Klan 1999
Pasiguria për jetën bëhet përsëri e dukshme në kryeqytet. Ngjarja e ndodhur disa ditë më parë pranë drejtorisë së policisë, ku ndër të tjerët vdiq një qytetar i pafajshëm dhe u plagosën katër të tjerë, përligji rrezikun ekzistent për çdo njeri. Grupi i xhirimit të Tv Klan ka shkuar sot në shtëpinë e njeriut tëshmë të njohur si shitësi i misrave, i cili vdiq në vend si pasojë e shkëmbimit të zjarrit të dy bandave rivale.
Në shtëpinë e vogël të 60-vjeçarit Mersin Katreli nuk gjejmë njëri. Familjarët e tij janë zhvendosur tek një i afërm pasi kjo shtëpi nuk mund të përballonte fluksin e njerëzve që vijnë për një fatkeqësi të tillë. Familja e varfër Katreli është vendosur këtu pas djegies të shtëpisë së mëparshme.
Ndërsa kemi mudur të kontaktojmë me familjarët ata të indinjuar nga vdekja tragjike e Mersinit por edhe nga pasiguria për jetën e çdo qytetari nuk kanë pranuar të flasin përpara kamerave. Pas vdekjes së tij nuk dihet se kush do të mendoj më për këtë famije./tvklan.al
Gazetare – Ornela Bego