Vrsaljko i bashkohet Interit
Sime Vrsaljko është një lojtar i Inter. Mbrojtësi kroat që shkëlqeu me përfaqësuesen e vendit të tij duke u shpallur nënkampion bote erdhi në formë huazimi me të drejtë blerje te zikaltërit. Vrsaljko mbërriti në Milano mesnatën e së martës për të nisur një aventurë të dytë në Itali.
Më parë ai është aktivizuar me Genoa e Sassuolo. Inter duhet të paguajë 6,5 milionë euro për huazimi dhe 17,5 milionë të tjerë, nëse do ta marrë përfundimisht kartonin e 26-vjeçarit nga Atletico Madrid.
Inter gjatë merkatos së verës ka afruar emra të njohur në Serie A si Stefan de Vrij, Radja Nainggolan apo Asamoah. Skuadra e drejtuar nga Luciano Spalletti do të marrë pjesë këtë sezon në Champions League pas disa vitesh mungesë.
Tv Klan