Washington Post: Melania dhe Donald Trump janë ndarë
Rastet kur Melania Tramp refuzon t’i shtrëngojë dorën bashkëshortit të saj President të Shteteve të Bashkuara në daljet publike, nuk janë të pakta. Por duket se edhe në jetën e tyre familjare, axhendat i kanë të ndara. Prestigjozja Uashington Post ka kryer një investigim për jetën e tyre familjare.
E duke iu referuar burimeve nga stafi i Shtëpisë së Bardhë, ata shpenzojnë shumë pak kohë së bashku gjatë ditës. Rrallë herë shtrohen për të ngrënë së bashku. Po ashtu kohën e lirë e kalojnë të ndarë.
Në përgjithësi rutina e tyre e përditshme është e ndarë, shkruan Uashington Post. Shpesh ata flenë të ndarë. Donald Tramp e nis ditën në 05:30 të mëngjesit, duke parë lajmet e duke bërë postime në Twitter.
Ndërsa Melania zgjohet më vonë në dhomën e saj të veçantë. Ajo shpenzon më shumë kohë me të birin 12-vjeçar Barron. Si shenjë e ndarjes shihet edhe fakti që Melania dhe i biri hynë në Shtëpinë e Bardhë, 6-muaj pasi Donald Tramp mori zyrtarisht postin e Presientit. Melania nuk ka komentuar akuzat se Tramp ka paguar 130 mijë Dollarë aktoren e filmave pornografikë Stormy Daniels për të heshtur për marrëdhënien e fshehtë mes tyre të 12 viteve më parë.
Tv Klan