Yuri Kim: E trishtuar për humbjen e Arjan Pushit, do të kujtohet si hero
Për ndarjen nga jeta të mjekut Arjan Pushi ka reaguar edhe ambasadorja amerikane në Tiranë, Yuri Kim.
Përmes një postimi në rrjetet sociale. Kim thotë është e trishtuar nga vdekja e tij ndërsa shton se Pushi do të kujtohet si hero.
“Jemi thellësisht të trishtuar nga humbja e parakohshme e Dr. Arjan Pushit. Ai e dha jetën, ndërsa ishte në shërbim të të tjerëve dhe do të kujtohet si hero”, shkruan Kim.
Arjan Pushi, mjek dhe profesor në Fakultetin e Mjekësisë ndërroi jetë këtë të martë në Spitalin Infektiv. Ai ishte i prekur nga Covid-19.
Arjan Pushi ka patur një karrierë të spikatur në fushën e hematologjisë dhe ka përgatitur shumë breza studentësh të Mjekësisë./tvklan.al
Jemi thellësisht të trishtuar nga humbja e parakohshme e Dr. Arjan Pushit. Ai e dha jetën, ndërsa ishte në shërbim të të tjerëve dhe do të kujtohet si hero! pic.twitter.com/AOjvxqBBHZ
— Ambassador Yuri Kim (@USAmbAlbania) June 30, 2020