Zbulohen dy pika ilegale bastesh
Policia e Tiranës ka proceduar penalisht dy pronarë të lokaleve të basteve, pasi gjatë kontrollove u konstatua se nuk kishin mbyllur aktivitetin e lojërave të fatit. Kështu prej datës 1 Janar 2019, ka hyrë në fuqi ligji që ndalon ushtrimin e aktivitetit të basteve sportive.
Nga kontrollet e ushtruara nga policia e kryeqytetit janë konstatuar dy subjekte në Tiranë në rrugën “Bardhok Biba” dhe “Muhamet Allushi”, që nuk e kanë zbatuar ligjin, por kanë vijuar aktivitetin.
Ndaj këtyre personave rëndon akuza për “Organizimin i lotarive të palejuara” dhe “Vënia në dispozicion e lokaleve për lojëra të palejuara”.
Tv Klan