Zbulohet skenografia romantike e ‘Love Story’
“Love Story” nisi sot transmetimin në TV Klan. Ora 20:15 na gjeti të gjithëve para televizorit për t’u bërë pjesë e këtij rrugëtimi romantik, së bashku me Saimirin dhe 18 vajzat konkurrente, në garë për të fituar zemrën e tij.
Skena e madhe e teatrit të televizionit Klan edhe kësaj radhe është shndërruar totalisht për t’u kthyer në një vend romantik, siç i ka hije një spektakli të tillë. Skenografia, e krijuar nga mjeshtri Gaetano Castelli, i është përshtatur në detaje fabulës së spektaklit dhe aventurës së dashurisë që do të marrë jetë dhe do të kurorëzohet pikërisht aty.
Unaza të mëdha që rrethojnë skenën, simbolizojnë propozimin që do të shënojë edhe finalizimin e spektaklit. Mirëpo, deri atëherë na ndajnë ende shumë javë, sepse aventura ende nuk ka nisur.
