Zëri Amerikës në Tv Klan – (9 Nëntor 1999)
Arkiva Lajme – Tv Klan 1999
Duke nisur nga dita e sotme Televizioni Klan do të transmetojë për rreth 30 minuta Ditarin e Zërit të Amerikës në gjuhën shqipe. Një transmetim ky i cili do të jetë nga e hëna në të premte. Një edicion rreth 30 minuta informativ i përditshëm bashkëpunim ndërmjet Tv Klan dhe seksionit shqip të Zërit të Amerikës. Ky është bashkepunimi i parë i këtij lloji ndërmjet një media private shqiptare ku çdo ditë për hapesirën e Shqipërisë dhe Kosovës do të realizohet nëpërmjet kanalit të Televizionit Klan transmetimi me satelit nga Shtetet e Bashkuara të Amerikës, të Ditarit të VOA në gjuhën shqipe.
Kanë nisur sot transmetimet nëpërmjet valëve të Televizionit Klan “Zëri i Amerikes” në gjuhën shqipe. Një ditar ky me lajme e informacione nga Shqipëria, Kosova dhe Bota nën drejtimin e gazetarëve Elez Biberaj dhe Laura Kondo për 30 minuta teleshikuesit në Shqipëri dhe Kosovë, kanë mundur të ndjekin informacionet kryesore të ditës, të përgatitura në formën e një Ditari nga “Zëri i Amerikës” në SHBA./tvklan.al
Gazetare – Mirela Milori